بانی پاکستان قائد اعظم محمد علی جناح کا پیغام

میں آپ کو واضح طور پر بتا دینا چاہتا ہوں کہ پاکستان کی سرکاری زبان اردو ہو گی اور صرف اردو، اور اردو کے سوا کوئی اور زبان نہیں ہو گی۔ دیگر اقوام کی تاریخ اس امر پر گواہ ہے کہ ایک مشترکہ سرکاری زبان کے بغیر کوئی قوم باہم متحد نہیں ہو سکتی اور نہ کوئی اور کام کر سکتی ہے،پس جہاں تک پاکستان کی سرکاری زبان کا تعلق ہے وہ صرف اور صرف اردو ہی ہو گی۔
21 مارچ 1948 ڈھاکہ

دستور پاکستان کے آرٹیکل ۲۵۱ کے مطابق:
۱۔ پاکستان کی قومی زبان اردو ہے اور یوم آغاز سے پندرہ برس کے اندر اندر اس کو سرکاری و دیگر اغراض کے لیے استعمال کرنے کے انتظامات کیے جائیں گے۔
۲۔ شق ۔ ۱ کےتابع، انگریزی زبان اس وقت تک سرکاری اغراض کے لیے استعمال کی جاسکے گی، جب تک کہ اس کے اردو سے تبدیل کرنے کے انتظامات نہ ہوجائیں۔
۳۔ قومی زبان کی حیثیت کو متاثر کیے بغیر، کوئی صوبائی اسمبلی قانون کے ذریعہ قومی زبان کے علاوہ کسی صوبائی زبان کی تعلیم، ترقی اور اس کے استعمال کے لیے اقدامات تجویز کرسکے گی۔

ادارۂ فروغِ قومی زبان (مقتدرہ قومی زبان) کا قیام 4 اکتوبر 1979ء کو آئین پاکستان 1973ء کے آرٹیکل 251 کے تحت عمل میں آیا تاکہ قومی زبان 'اردو' کے بحیثیث سرکاری زبان نفاذ کے سلسلے میں مشکلات کو دور کرے اور اس کے استعمال کو عمل میں لانے کے لیے حکومت کو سفارشات پیش کرے، نیز مختلف علمی، تحقیقی اور تعلیمی اداروں کے مابین اشتراک و تعاون کو فروغ دے کر اردوکےنفاذکوممکن بنائے۔

قومی تاریخ و ادبی ورثہ ڈویژن کی ویب سائٹ اُردو آڈیو کتاب اُردو کی مختصر ترین تاریخ از ڈاکٹر سلیم اختر
دفتری اُردو کی کتابیں
ٹوکیو یونی ورسٹی، جاپان میں بنیادی اردو سیکھنے کے لیے ایک آن لائن ماڈیول
					اخبار اردو مئی، جون ۲۰۱۷ء
ادارے کی کتابیں منگوانے اور اخبار اُردو کا سالانہ خریدار بننے کے لیے۔۔۔۔تفصیل کے لیے کلک کریں
ادارہ فروغ قومی زبان ، اسلام آباد میں کتاب میلہ ’’ 100 کتاب 100 مہمان ‘‘ منعقد ہوا۔ جس میں چار مصنفین کی کتب کی تقریب رونمائی کی گئی ۔ پچھلی تقریب کا احوال دوسروں کی زبانی۔
قومی تعلیمی پالیسی ۔ ۲۰۰۹ء، (اردو ترجمہ) ، حکومت پاکستان
ادارہ فروغ قومی زبان کتاب گھرتفصیل کے لیے کلک کریں
تمام اہل علم اور ان کی اولاد کو دعوت دیتے ہیں کہ وہ اپنی کتابیں فراہم کریں تاکہ ہم ان کا الگ علمی گوشہ ادارہ فروغ قومی زبان کی ویب گاہ پر قائم کرکے کتابوں کی برقی ایڈیشن رکھ سکیں۔ ڈاکٹر حافظ صفوان محمد چوہان نے اپنے والد پروفیسر عابد صدیق کی کتابیں اس گوشے کے لیے فراہم کردی ہیں جو بلا معاوضہ آپ اپنے کمپیوٹر پر اتار سکتے ہیں۔ گوشہ پروفیسر عابد صدیق